Qeveria shqiptare ka në plan të ndërtojë industrinë ushtarake në Shkodër. Iniciativa u prezantua nga kryeministri Edi Rama gjatë një
takimi me përfaqësus të biznesit në zonë.
“Jemi në diskutime për të sjellë eëdhe një element të industrisë ushtrake në Shkodër, në periferi që do të ishte shumë mirë për punësimin, por edhe për profesionistët e rinj do të ishte shumë mirë”, shprehet Kryeministri.
Rama garantoi politika lehtësuese për biznesin teksa nënvizoi se deri në 2029 biznesi i vogël nuk do të paguajë taksa.
“Deri në 2029 do të qëndrojë zero, pastaj është histori tjetër. Deri në 2029 që të marri forcë, që të rritet, që të ketë kapacitet familja, 700 milionë Euro që i janë lënë bbiznesit të vogël dhe nuk janë marrë në arkën e shtetit”, tha Rama.
Në funksion të rritjes të nivelit të turizmit, kreu i qeverisë foli për mundësinë e realizimit të një programi të posacëm për artin dhe Kulturën në Shkodër.
“Arti dhe kultura këtu kanë një traditë dhe pasi e kombinuar me elementë të tjerë që ka qyteti mund të bëjnë një punë të madhe për më shumë turizëm”, theksoi kreu i qeverisë.
Teksa foli për disa projekte të reja që do të nisin në qytet, Edi Rama tha se po shqyrtohet mundësia për të transformuar godinës e bashkisë së Shkodrës në një muze.
