Bashkimi Evropian ka reaguar pas një lajmi të publikuar në disa media në Shqipëri, ku hidheshin akuza të rënda ndaj ambasadorit të BE-së në Tiranë, Silvio Gonzato, se kishte ndërhyrë në raportin paraprak të OSBE/ODIHR për zgjedhjet, duke hequr disa emra.
BE thotë se lajmi është i pavërtetë, teksa thekson se “dezinformimi mund të dëmtojë besimin e publikut në proceset demokratike”.
Reagimi i plotë:
Njoftim: Artikulli i publikuar nga Syri.net, që pretendon se Delegacioni i BE-së në Shqipëri apo Ambasadori kanë ndërhyrë për të hequr emra nga raporti paraprak zgjedhor i OSBE/ODIHR, është i pavërtetë. Raportet e vëzhgimit zgjedhor të OSBE/ODIHR janë të pavarura, të paanshme dhe bazohen vetëm në gjetje të verifikuara nga ekipet e tyre të vëzhguesve.
Dezinformimi mund të dëmtojë besimin e publikut në proceset demokratike.
OSCE Office for Democratic Institutions and Human Rights (ODIHR)
