Në ndeshjen e fundit të ciklit kualifikues për Kupën e Botës 2026, Kombëtarja e Kosovës doli barazim 1-1 në shtëpi ndaj Zvicrës.
Pavarësisht përpjekjeve të mëdha, një nga momentet më të komentuara pas ndeshjes ishte vërshëllima e tifozëve ndaj Granit Xhakës, yllit shqiptar, që u vërshëllua në çdo prekje të topit.
Pas përfundimit të takimit, Xhaka ka reaguar për këtë situatë, duke thënë se ishte i befasuar dhe i dhimbshëm për të.
“Jam i befasuar që jam fishkëllyer. Dhemb, por më duhet ta pranoj atë. Mundohem të koncentrohem vetëm në futboll. Për fat të keq, është pjesë e lojës”, ka thënë ai.
Pavarësisht këtij momenti të vështirë, Xhaka ka shprehur mirënjohje për mbështetjen që ka pasur gjatë gjithë karrierës nga tifozët zviceranë dhe ka theksuar rëndësinë e këtij kualifikimi të Kosovës për Kupën e Botës.
Ai ka deklaruar se, pavarësisht çdo sfide, është krenar për arritjet e ekipit dhe se kjo është një fushatë e suksesshme për Kosovën.
Xhaka gjithashtu ka përmendur se përkrahja e tifozëve të Kosovës dhe stabiliteti mental i ekipit janë faktorë kyç për të arritur sukses në të ardhmen.
Pas ndeshjes, ai ka shprehur se ekipi ka pasur një kampanjë të mirë dhe se është i lumtur me arritjen e këtij kualifikimi historik.
j.l./ dita
