Prokuroria e Posaçme ka regjistruar procedimin penal për dosjen e zhdukjes së 69 milionë lekëve të rinj nga filiali i Postës Shqiptare në Durrës pas shpalljes së moskompetencës nga Prokuroria e Durrësit. Këtë të enjte, 19 nëntor, në SPAK u hodh shorti ku është caktuar edhe prokurori që do të marrë në shqyrtim çështjen.
Shkak për këtë lëvizje janë dyshimet se shuma e vjedhur është shumë më e lartë dhe se vjedhja është kryer në formën e grupit të strukturuar kriminal, ku është përfshirë edhe ish-drejtuesja e Postës, sot deputete.
Pamjet e kamerave të sigurisë kanë dokumentuar lëvizjen e shumave të parave fizikisht nga arka drejt zyrave të drejtuesve të filialit e më pas jashtë institucionit.
Për këtë çështje janë arrestuar fillimisht ish-drejtoresha Elisabeta Mataj, ish-shefja e financës Valbona Duni dhe arkëtarja Paola Dana. Më pas, edhe burri i Matajt, Fetah Mataj. Ky shtetas u zbulua gjatë këqyrjeve të telefonave, ku dolën në dritë biseda në formën e kanosjes për dhënie pasurie ndaj nëpunëseve të postës.
Tashmë dyshohet e përfshirë edhe deputetja e PS, Etleva Budini, ish-drejtoreshë përpara Matajt.
Vetëm maja e ajsbergut
Nga veprimet hetimore të Prokurorisë lokale rezulton se, përveç parave të pensioneve dhe të ndihmës sociale, punonjësit e kësaj poste dyshohen se kanë përvetësuar edhe detyrime të tjera, si tarifat që paguhen nga qytetarët për Kadastrën, tarifat arsimore, detyrimet doganore apo taksa të tjera.
Shuma prej 700 mijë eurosh që ka dalë deri tani i përket vetëm një harku të shkurtër kohor, mes muajve prill-qershor, ndërsa vjedhjet dyshohet se kanë nisur nga janari 2025. Në këtë periudhë, deri në mars, filiali i Postës së Durrësit drejtohej nga Budini, e cila ka mandatin e deputetes dhe emri i saj është arsyeja e dytë se përse Durrësi nuk mund të kryejë veprime të mëtejshme.
Më poshtë një video kur kryesocialisti Rama prezantonte në podkastin e tij deputeten që dyshohet për vjedhje duke e quajtur “socialiste me karaturë të lartë”.
j.l./ dita

O manalli et’hem, po këta pisëistat i duan paratë me arka mo, me arka. Zarfat nuk i shohin me sy fare. Aq i trashë të jesh sa për çdo maskarallëk t’ja vësh fajin “opozitarit” salih?
Asnje dyshim fare mos kete. 700 mije EURO nuk vidhen nga hajdute ordinere. Ish-drejtoresha Postes ajo Eva Budini qe ben si tekniciene me ate akt spektakolar siguroi dhe emrin ne listen e Rames per deputete.
TË SHOFIM NESE DREJTËSIA DO TË KTHEJ PARAT E VJEDHURA NË BUXHET TË SHTETIT..
..PASI POPULLIT NUK I DUHET BURGU,GJYKIMI ME PROÇEDURA..
KA QË NGA 1992 QË DREJTËSIA E SALIUT NUK SEKUESTRON PRONAT E SHUMTA DHE PARAT E VJEDHUDA NGA VIPAT..
..PASI DO TË FILLONTE SËPARI NGA VILAT NË GJ.LALZIT TË SALIUT,LIKES,MULIT,TABAKUT,RISTANIT,HAXHINSDTTOS,A.KRAJËS…
..MBI 60 BANEAST E BERISHVE NËPËR EUROPË.
FLM DITA
O Palloshe iku edhe nje deputete tjeter ne SPAK. A do tia heqesh mandatin kesaje apo do ta mbroshe si Balluku? Po si ka mundesi qe rrjeta jote kape vetem hajdute per poste? Apo pi te vendosesh leke ne rrjete ne vende te ushqimit, hajdute do te kapesh?