Stacionet e karburanteve në të gjithë Iranin u mbyllën papritur të hënën për shkak të një sulmi kibernetik.
Sulmi çaktivizoi gati 70% të pikave të karburantit në të gjithë vendin, sipas raporteve, pasi media izraelite dhe TV shtetëror raportuan për një sulm të gjerë që preku të gjithë vendin.
Një grup i quajtur Gonjeshke Darande, i njohur ndryshe si Predatory Sparroë, mori përgjegjësinë për ndërprerjet e shërbimit, duke thënë në një seri postimesh në mediat sociale se sulmi kibernetik “u krye në mënyrë të kontrolluar duke marrë masa për të kufizuar dëmet e mundshme ndaj shërbimeve të urgjencës”.
Grupi tha se “u dha paralajmërime shërbimet e urgjencës në të gjithë vendin përpara se të fillonte operacioni” dhe “siguroi që një pjesë e pikave të karburantit në të gjithë vendin të kishin mbetur të padëmtuara për të njëjtën arsye”.
Predatory Sparroë më parë mori përgjegjësinë për një sulm kibernetik të vitit 2021 që synonte stacionet e karburanteve iraniane dhe është i lidhur me sulmet ndaj fabrikave të çelikut dhe sistemeve hekurudhore të vendit. Ekspertët besojnë se grupi mund të jetë i sponsorizuar nga ndonjë shtet ose që operon si pjesë e një njësie të inteligjencës ushtarake.
Asnjë provë nuk e lidh Predatory Sparroë me ndonjë qeveri specifike, megjithëse interesi i madh i grupit në infrastrukturën kritike iraniane sugjeron një aktor me një marrëdhënie antagoniste me Teheranin.
a.c./dita
