Vala e të nxehtit afrikan përfshin të gjithë Mesdheun. I nxehti do të përfshijë Italinë dhe Ballkanin.
Sipas parashikimeve të fundit, temperaturat do të vazhdojnë të rriten edhe ditët në vijim deri në 40 gradë në vende të ndryshme.
Për të premten, Ministria e Shëndetësisë e Italisë ka shpallur gjendjen e emergjencës në 13 qytete.
Temperatura përvëluese do të ketë në Siçili ku do të ndalohen aktivitete të ndryshme në kohë të caktuara të ditës.
Edhe në Shqipëri ka një rritje të vizitave në urgjenca për shkak të të nxehtit.
“Ekziston një shqetësim i madh”, thotë nënkryetari i Shoqatës Italiane të Mjekësisë së Urgjencës, Mario Guarino për ANSA-n, veçanërisht për të moshuarit dhe pacientët me patologji të shumëfishta.
“Sot pasdite (e enjte, dt. 26) dhe nesër (e premte, dt. 27) pritet nivel rrezik “I LARTË” në qarkun Fier, ndërsa në qarqet e tjerë pritet nivel rrezik “I MODERUAR” (siç tregohet në tabelë, respektivisht për secilin qark).
Nё disa qarqe pritet rrezik “I LARTË” vetёm nё zona tё lokalizuara, konkretisht: qarku Shkodër (Jug), Kukës (JugLindje), Lezhë (Qendër), Durrës (VeriLindje), Tiranë (Jug), Elbasan (JugPerëndim), Gjirokastër(Veri) dhe Vlorë (Veri).
Rreziku pritet të jetë më i lartë gjatë ditës së nesërme”, shkruan Instituti i Gjeoshkencave.
j.l./ dita
Ama c’ja fusin pordhes keta te vetequajturit meteorologe ne vendin tone japin psh per Tiranen qe ne jug te qytetit do pritet rrezik I larte kur dihet qe ne jug te Tiranes eshte liqeni qe eshte pjesa me e fresket e qytetit.Ne IGJEUM nuk ka mbetur nje meteorolog i hajrit.