Helmi i bletës mund të ndihmojë në kurimin e të sëmurëve me kancer gjiri. Këtë zbulim e kanë bërë shkencëtarët australianë.
Ata thonë se helmi nga bletët shkatërron qelizat agresive të kancerit të gjirit në një mjedis laboratorik.
Helmi, dhe një përbërje në të e quajtur “melittin”, u përdorën kundër dy llojeve të kancerit të cilat janë të vështira për t’u trajtuar.
Zbulimi është përshkruar si emocionues, por shkencëtarët paralajmërojnë se nevojiten prova të mëtejshme.
Kanceri i gjirit është kanceri më i zakonshëm që prek gratë në të gjithë botën.
Ndërsa ka mijëra përbërës kimikë që mund të luftojnë qelizat kancerogjene në një mjedis laboratorik, shkencëtarët thonë se ka pak që mund të prodhohen si trajtim për njerëzit.
Helmi i bletës është zbuluar më parë të ketë veti anti-kancer për lloje të tjera të kancerit, si melanoma.
Studimi nga Instituti i Kërkimeve Mjekësore Harry Perkins në Australinë Perëndimore u botua në “Nature Precision Oncology”.
“Ekstraktet e bletës u gjetën të jenë jashtëzakonisht të fuqishme”, tha Ciara Duffy, një studiuese 25-vjeçare që drejtoi studimin.
Një përqendrim i helmit u zbulua se shkatërron qelizat kancerogjene brenda një ore, me dëmtime minimale në qelizat e tjera.
Studiuesit gjithashtu zbuluan se përbërja e “melittinit” ishte e efektshme në pengimin e qeliza kancerogjene për t’u rritur. “Melittin” krijohet natyrshëm në helmin e bletës, por gjithashtu mund të prodhohet sintetikisht.
Por studiuesit paralajmërojnë se duhet më shumë punë për të parë nëse helmi në të vërtetë mund të funksionojë si një ilaç që lufton kancerin.
j.l./ dita
