I dërguari special i SHBA-së për dialogun Kosovë- Serbi, Gabriel Escobar sot do të vizitojë Kosovën. Në kuadër të intensifikimit të dialogut, diplomati amerikan sot në orën 08:45 do të takohet me presidenten Vjosa Osmani.
Pas takimit do të ketë edhe deklaratë për media. Përveç liderëve institucionalë, Escobar do të takohet edhe me përfaqësuesit e partive opozitare.
Kjo është hera e dytë brenda disa javësh, që amerikani Escobar takon partitë opozitare.
Herën e kaluar në Kosovë, Escobar ishte bashkë me evropianin Miroslav Lajçak. E ky i fundit javën e kaluar ka qëndruar në Prishtinë, ndërsa dje ka vizituar Beogradin. Në dy takimet me kryeministrin Albin Kurti dhe presidentin serb, Aleksander Vuçiç, Lajçak ka thënë se temë boshte e diskutimit kanë qenë targat dhe energjia.
Javëve të fundit janë intensifikuar përpjekjet e liderëve botëror sa i përket bisedimeve Kosovë –Serbi.
I fundit ishte sekretari amerikan i Shtetit, Antony Blinken, i cili bisedoi përmes telefonit me kryeministrin Kurti dhe me presidentin Vuçiç. E në këtë proces janë angazhuar edhe kancelari gjerman, Olaf Scholz dhe presidenti francez, Emmanuel Macron, të cilët kanë dhënë një propozim për marrëveshjen dypalëshe.
j.l./ dita
Po ate pune ka se mos vjen per drejtesi jo vjen se po mbaron afati i targave dhe vet kan qene dakort dhe vet nuk jane te gatshm te zbatohen kjo tregon se sa serjoz jan me kosoven per te drejtat e tyre ne vendin e vet ku pakica serbe ben ligjin mbi shumicen shqiptare per ligj dhe rend i bejn presjon kosoves te mos marrin masat per zbatim te ligjit te rep kosoves kjo pra eshte dipllomacia e haelateve mesoj me te dobetit ne te drejten e vet dhe i thone duhet te beje kompromis me serbet.