Një hotel me bazë në Marrakech, në pronësi të Cristiano Ronaldos ka hapur dyert për viktimat e tërmetit në Marok.
Të premten, një tërmet i madh me magnitudë 6.8, goditi rajonin malor të Atlasit të Lartë në Marok, rreth 45 milje nga qyteti i Marrakech.
Deri në mbrëmjen e së shtunës, të paktën 1.305 njerëz kanë vdekur, si pasojë e tërmetit dhe shumë të tjerë janë plagosur ose të zhdukur.
Mes kaosit dhe tragjedisë, një sërë organizatash dhe biznesesh me bazë në Marrakech kanë ofruar ndihmë për të prekurit nga tërmeti.
Një prej tyre është “Pestana CR7 Marrakech”, një hotel në pronësi të yllit portugez Cristiano Ronaldo. Raportet sugjerojnë se hoteli luksoz po ofron strehim për ata që kanë humbur shtëpitë e tyre.
Cristiano Ronaldo is providing shelter for those affected by the earthquake in Morocco.
He has made his Pestana CR7 Hotel in Marrakesh, Morocco available. pic.twitter.com/DMkHSXyLrS
— Africa Facts Zone (@AfricaFactsZone) September 9, 2023
Ku është hoteli “Pestana CR7 Marrakech”?
Marrakech, nganjëherë shkruhet Marrakesh, nëse qyteti i katërt më i madh në Marok dhe një destinacion popullor turistik për udhëtarët nga e gjithë bota. Hoteli i Ronaldos ndodhet në lagjen “M Avenue” në zonën e qytetit të vjetër të qytetit.
Hoteli me 174 dhoma cilësohet si një vend arratisjeje luksoze, me frymëzim maroken, por ndërtesa është transformuar për të ofruar strehim për viktimat e tërmetit.
Zona e qytetit të vjetër të Marrakech, një vend i Trashëgimisë Botërore të UNESCO-s, ka pësuar disa nga efektet më të këqija të tërmetit. Ndërtesat dhe muret e qytetit janë shembur dhe rrugicat e ngushta e kanë bërë të vështirë gjetjen dhe transportimin e të plagosurve në vend të sigurt.
Ndërtesat publike në të gjithë qytetin, sheshet e qytetit dhe madje edhe rreth rrotullimet janë shndërruar me nxitim në strehimore emergjente, me shtretër të vendosur për ata që kanë humbur shtëpitë e tyre.
Gjesti i Ronaldos nuk është i vetmi nga bota e futbollit për të ndihmuar të prekurit. Të shtunën, kombëtarja marokene dhuroi gjak për të ndihmuar në mbështetjen e viktimave.
Mbrojtësi maroken, Achraf Hakimi ka shkruar në rrjetet sociale: “Po kalojmë një kohë të vështirë për të gjithë bashkëqytetarët tanë. Është koha për të ndihmuar njëri-tjetrin për të shpëtuar sa më shumë jetë të jetë e mundur. Ngushëllimet e mia për të gjithë ata që kanë humbur një të dashur.”
j.l./ dita