Me vendim të kryeministrit grek, Kyriakos Mitsotakis është shpallur tre ditë zie kombëtare për viktimat e aksidentit hekurudhor në Tempe.
Vendimi hyn në fuqi nga sot, 1 mars deri më 3 mars 2023 me flamujt që valëviten në gjysmështizë në të gjitha ndërtesat publike, ndërsa festimet publike janë pezulluar.
Deri më tani raportohet për 38 viktima dhe dhjetra të zhdukur. Kryeministri grek raportohet se do të shkojë së shpejti në zonën e tragjedisë në Larisa.
Gjithashtu, në vendngjarje raportohet se do të shkojë edhe Presidentja e Republikës, Katerina Sakellaropoulou.
Aksidenti tragjik ndodhi pak para orës 23:00 të mbrëmjes së të martës, ku një tren me pasagjerë ku udhëtonin rreth 350 persona u përplas kokë më kokë me një tren mallrash.
j.l./ dita
