Akti Europian për Lirinë e Medias është miratuar nga Parlamenti Europian të martën. Zëvendëspresidentja e Komisionit Evropian, Věra Jourová, thotë se ky do të jetë një sinjal i madh paralajmërues për vendet anëtare.
Rregullorja e re synon të sigurojë pavarësinë e medias kundër presionit politik dhe të nxisë pluralizmin në të gjithë bllokun. Analistët parashikojnë që ajo të kthehet në një problem për liderin hungarez Viktor Orbán, partia e të cilit Fidesz ka marrë de facto kontrollin e 80 për qind të mediave të vendit përmes manovrave “politike dhe ekonomike” sipas indeksit të fundit të Reporterëve pa Kufij për Lirinë e Shtypit në Botë.
Nuk mund t’i rikthejmë siç ka qenë atë që është gatuar në Hungari, një vend ku gjithçka dhe të gjithë varen nga një palë, ku nuk ka media publike, por media shtetërore” dhe ku “dallimi midis mbështetjes ekonomike të një mediaje në mënyrë transparente dhe një media e korruptuar në mënyrë të fshehtë është e madhe.
Rregullat e reja pritet të sjellin një ndryshim, me detyrimet e reja të transparencës dhe pavarësisë dhe me rritjen e kontrollit, të cilit i nënshtron konglomeratet e dëmshme mediatike dhe ligjet që ndikojnë në peizazhin mediatik të BE-së.
“E gjithë tendenca në Hungari, e cila çon në monopolizimin e informacionit, është diçka që ne nuk duam të ndodhë kudo tjetër,” tha Jourová, duke shtuar se “me kalimin e kohës, ne mund të përpiqemi, hap pas hapi, të çmontojmë sisteme të tilla.“
Megjithatë, nuk është vetëm Hungaria ajo që mund të bëhet subjekt i rregullores së re. Së shpejti edhe Franca mund ta gjejë veten para Komisionit. Agjensitë e zbatimit të ligjit atje kanë vënë në pranga gazetaren Ariane Lavrilleux, pasi raportoi për dokumente të rrjedhura, komprometuese.
“Rasti francez tregon se ka një mbrojtje shumë të dobët të gazetarëve”, tha Jourová.“Gjithmonë e kam parë këtë si shumë, shumë arrogante”, shtoi ajo.
Pas miratimit të rregullores në Parlamentin Europian, do të nisin diskutimet politike me Këshillin më 18 tetor.
p.c. / dita
