GJKKO ka dhënë masën e arrestit me burg për Altin Morinën, ish-efektivin e forcave RENEA, i arrestuar për grup të strukturuar kriminal në kuadër të operacionit “Revanshi”.
Kujtojmë që Altin Morina, ish-efektivi i RENEA-s, u arrestua të premten për herë të dytë nga Policia e Shtetit.
Sipas burimeve nga SPAK, dyshohet se Morina mbante me vete një armë zjarri të llojit pistoletë.
Morina ishte shpallur në kërkim që nga 17 maji i vitit 2024, në kuadër të operacionit “Revanshi”.
Sipas hetimeve, ai ka bashkëpunuar me Durim Bamin për kultivimin e kanabisit në zonat e Niklës dhe Tapizës gjatë viteve 2019-2020.
i.b./dita
