Gëzim Avdiu, personi i cili u filmua duke i dhënë hashash një djali të mitur, ka mohuar që të ketë kryer një veprim të tillë.
“Nuk i kam dhënë asnjë të mituri lëndë narkotike për të konsumuar dhe videoja e dalë në Tik Tok është montazh”, kështu është shprehur 31-vjeçari para grupit hetimor.
Avdiu po mbahet në dhomat e paraburgimit të komisariatit të Lezhës në pritje për tu njohur me masen e sigurisë në gjykatë, ndërsa ndaj tij është ngritur akuza “Nxitja për përdorimin e drogës”.
Videoja e tij, e cila u shpërnda po nga ai në rrjetin social ‘Tik tok’ u bë menjëherë virale.
Duke parë që në video ishte një i mitur, Policia mori masa ndaj 31-vjeçarit, i cili edhe pse doli me zë dhe figurë në video, mohon që ta ketë kryer një veprim të tillë.
j.l./ dita
