Kryetari i Bashkisë së Krujës, Artur Bushi është paraqitur ditën e sotme në Prokurorinë e Posaçme (SPAK).
Në SPAK janë regjistruar 7 kallëzime ndaj Bushit, ndaj është kërkuar paraqitja e tij për të dhënë sqarime rreth tyre.
Pritet që pas përfundimit të marrjes në pyetje, të japë një deklaratë për mediat.
Disa nga kallëzimet e bëra ndaj tij:
–Për 3 materiale kallëzuese është regjistruar procedim penal.
-Për 2 materiale kallëzuese është vlerësuar të dërgohen për kompetencë në Prokuroritë e Rretheve Gjyqësore.
-Për 2 materiale kallëzuese është vendosur mosfillim procedimi.
Ndërkohë, një ditë më parë, në SPAK u paraqit për 3 orë edhe ish-kryebashkiaku i Durrësit, Vangjush Dako.
Bushi është një emër i përfolur dhe i akuzuar shpesh nga opozita për të kaluarën e tij. Ai mban postin e kryetarit të Bashkisë së Krujës që prej gushtit të vitit 2015.
Kujtojmë se pak ditë më parë një kryebashkiak socialist përfundoi në pranga.
Bëhet fjalë për kryetarin e Bashkisë së Bulqizës, Lefter Allën, i cili u vu në prangat e Policisë së Shtetit me urdhër të SPAK për shkak se ndaj tij rëndojnë dy akuza, atë për korrupsion dhe abuzim me tenderat publikë.
j.l./ dita
