Një ngjarje e rëndë ka ndodhur mesditën e sotme në aksin Fier-Patos, pranë Drejtorisë së Policisë, ku një shofer ka mbetur i plagosur rëndë.
Sipas raportimeve, drejtuesi i një mjeti të tonazhit të rëndë, që i përket ndërmarrjes së ujitjes dhe kullimit në Fier, është lënduar teksa ka qenë duke ndërruar një gomë.
Goma ka shpërthyer për shkak të presionit, duke shkaktuar dëmtime të rënda për drejtuesin e mjetit, Ismet Cjapi.
Ai është transportuar me urgjencë në Spitalin Rajonal të Fierit, ku ndodhet nën kujdesin e mjekëve.
i.b./dita
