Personi që shihni në foto është Zamir Kalemi nga Memaliaj, i cili i shpëtoi mbrëmë një atentati në rrethrrotullimin e Selitës në Tiranë.
Ai ishte duke qarkulluar me një makinë tip smart, ndërsa ndaj tij është qëlluar me breshëri kallashnikovi.
Si pasojë e të shtënave, 35-vjeçari ka marrë plagë në këmbë dhe aktualisht ndodhet në spital jashtë rrezikut për jetën.
I plagosuri është vëllai i Andrea Kalemit, i cili u lëndua me thikë në burgun e Koridhalos më 14 dhjetor 2023, teksa edhe më parë kishin tentuar ta ekzekutonin kur ndodhej me pushime në një ishull të Greqisë.
Po ashtu, 35-vjeçari është kushëriri i Aleksandër Sadikajt. Ky i fundit u vra me një atentat me eksploziv afër rreth rrotullimit të TEG.
Pak kohë pasi u qëllua ndaj Zamir Kalemit është gjetur një makinë e djegur në Bërzhitë, e cila dyshohet të jetë përdorur nga autorët.
Policia pas ngjarjes ngriti disa pika kontrolli, por deri tani nuk ka informacion për personat e përfshirë në këtë rast kriminal.
p.c. / dita
