Gjyqi ndaj drejtorit të “Il Fatto”, Marco Travaglio, ka rezultuar në favor të gazetarit duke detyruar në këtë mënyrë ish-kryeministrin Matteo Renzi që ti paguajë dëmshpërblimin 42 mijë euro.
Shkak i padisë së Renzit ka qenë stampimi i fytyrës së Renzit në një letër higjienike.
Pas më shumë se tre vite proces gjyqësor, gjyqtari ka arritur në përfundimin se e gjitha ishte një satirë që një shtet demokratik duhet ta tolerojë.
Gjithçka nisi në shkurt të vitit 2019 kur drejtori i gazetës së përditshme “Il Fatto” ishte në një lidhje të drejtpërdrejtë me mediat nga biblioteka e tij dhe pas tij u vu re se në raft kishte një letër higjienike me fytyrën e Renzit të stampuar mbi të.
Ish-kryeministri vendosi ta denoncojë Marco Travaglion.
Renzi në padinë e ngritur kishte kërkuar 500 mijë euro për dëme “morale, ekzistenciale, pasurore dhe jopatrimoniale” të shkaktuara nga gjesti i Travolios, por gjykata doli në përfundimin se nuk ekzistonte asgjë e tillë.
Kështu, senatori i Firences, do të duhet të dëmshpërblejë gazetarin me 42 mijë euro, përveç pagesave për kostot e gjyqit që duhet t’i paguajë gjithashtu, që shkojnë 30 mijë e 641 euro.
Vendimi të cilin Renzi e ankimoi, është firmosur nga gjyqtarja Susanna Zanda.
Në dokument, një pasazh në veçanti, flet dhe për të drejtën e satires.
“Një figurë politike në një shtet demokratik duhet të tolerojë imazhe satirike të personit dhe fytyrës së tij, madje edhe të ngulitura në pajisje të tilla si ajo në fjalë (letra higjienike). Vetëm në një regjim totalitar është e ndaluar të kritikosh apo tallësh një figurë politike”.
m.b./dita
