Një grup prej gjashtë fanellash të veshura nga Lionel Messi në Kupën e Botës 2022 në Katar do të dalin në ankand në dhjetor.
Shtëpia e ankandeve Sotheby vlerëson vlerën e tyre në më shumë se 10 milionë dollarë.
Messi i veshi fanellat me vija bardheblu në ndeshjet e grupeve kundër Arabisë Saudite dhe Meksikës, më pas në 1/16 kundër Australisë, në çerekfinale kundër Holandës, në gjysmëfinale kundër Kroacisë dhe në finale kundër Francës.
Kapiteni i atëhershëm 35-vjeçar i Argjentinës fitoi titullin kampion botëror që i mungonte.
Kompania shpreson të marrë më shumë se 10 milionë dollarë për koleksionin, i cili do të shitet online nga 30 nëntori deri më 14 dhjetor dhe do të jetë gjithashtu i ekspozuar publikisht në selinë e Sotheby’s në Nju Jork.
p.k\dita
