Luiza Gega ka triumfuar edhe në Kampionatin Europian Ekipor të atletikës.
Sportistja jonë ka mposhtur Salpeter, duke marrë kështu pikët maksimale në garën e 5000 metrave për femra.
Kampionia shqiptare ka lënë pas gjithë kundërshtaret me kohën 15:32.39, rreth 4 sekonda më e shpejtë se rivalja Salpeter nga Izraeli.
Triumfit të Gegës i është përgjigjur edhe kryeministri, Edi Rama, që nëpërmjet një postimi të bërë në Facebook ka përgëzuar atleten e suksesshme që po mban lart flamurin kuqezi.
