Forcat izraelite të mbrojtjes kanë publikuar pamjet nga një operacion i tyre i zhvilluar në spitalin “Al Shifa” në qytetin e Gazës.
Në pamjet e publikuara prej tyre, ata tregojnë se në spital kanë arritur të gjejnë armë dhe mjete teknologjike, të cilat sipas tyre i shërbejnë terroristëve të Hamasit.
Një qendër komandimi operacionale, armë dhe asete të reja teknologjike janë gjetur në ndërtesën e MRI të spitalit Shifa, në Gazë. Trupat IDF po vazhdojnë me operacionin e tyre kundër organizatës terroristë të Hamasit. Ata po kryejnë kërkime për infrastrukturë dhe asete të cilat mund t’u shërbejnë terroristëve të Hamasit.
Sipas tyre, në momentin që ushtarët e IDF u ftutën në kompleksin spitalor, u ndeshëm me një numër terroristësh të cilët i vranë.
Ata kanë publikuar pamjet pasi kontrolluan në departamentet e spitalit ku zbuluan një dhomë me mjete teknologjike si dhe pajisje ushtarake luftarake të përdorura nga organizata terroriste e Hamasit.
Në një departament tjetër në spital, ushtarët gjetën një qendër komanduese operacionale dhe asete teknologjike që i përkisnin Hamasit, gjë që tregon se organizata terroriste e përdor spitalin për qëllime terroriste.
Asetet teknologjike dhe informacionet e gjera të inteligjencës të vendosura u transferuan për shqyrtim të plotë nga autoritetet përkatëse.
IDF po vazhdon të operojë në kompleksin spitalor, duke nxjerrë informacione të inteligjencës dhe duke parandaluar dëmtimin e ekipeve mjekësore dhe civilëve të strehuar atje, gjithashtu sipas një video të publikuar prej IDF ata kanë ofruar ilaçe dhe ndihmë mjekësore.
j.l./ dita
