Bote

Imazhet satelitore, si u shkatërrua qyteti nga tërmeti në Siri

Një qytet i vogël në Sirinë veriperëndimore është shkatërruar në masë të madhe dhe pamjet vijnë përmes imazheve satelitore. Kreu i grupit të “Helmetave të Bardha”, i cili ka udhëhequr përpjekjet e shpëtimit në rajonin, e përshkroi situatën në Jidayris si katastrofike, me “skena të tmerrshme” dhe shkatërrim kudo.

Rreth 200 ndërtesa u shkatërruan plotësisht nga tërmeti me magnitudë 7.8 që goditi afër Turqinë jugore më 6 shkurt. OKB thotë se  janë 7,400 ndërtesa të shkatërruar plotësisht ose pjesërisht në të gjithë Sirinë dhe 8.8 milionë njerëz janë prekur.

Tërmeti goditi në një kohë kur nevojat humanitare ishin në nivelin më të lartë që nga fillimi i luftës civile në vend gati 12 vjet më parë, duke e vështirësuar edhe më shumë situatën në vend.

- Publicitet -

m.b./dita

 

Shpërndaje këtë artikull