Prokuroria e Posaçme ka marrë të pandehur Alqi Bllakon për Inceneratorin e Tiranës, ndërsa akuzohet për korrupsion në dy raste.
Sipas raportimeve, ish-deputetit të PS-së i është komunikuar akuza pak ditë më parë nga prokurori Dritan Prençi. Bllako ndodhet në burg prej më shumë se dy vitesh.
Në prill të këtij viti, SPAK çoi për gjykim një pjesë të të akuzuarve për inceneratorin e Tiranës.
Konkretisht ish-ministrin e Mjedisit, Lefter Koka, Pëllumb Abeshin, Erjon Muratajn, Bledar Karolin, Taulant Tushën, Namik Simixhiun, Etleva Kondin, Alba Thomain, Valbona Ballgjinin, Sidita Koplikun, Jetmir Llapajn si dhe Silena Tolën. Prokuroria e Posaçme iu komunikoi atyre akuzën “shpërdorim detyre”.
Ndërkohë, Alqi Bllako për inceneratorin e Elbasanit ka marrë pafajësi, por mbahet në qeli, pasi është dënuar me 2.8 vite burg për inceneratorin e Fierit.
j.l./ dita
