Një listë formale e të ftuarve publikuar në faqen e G20 tregon se Ukraina nuk ka marrë ftesë për samitin e G20 në Indi.
Sipas rregullave të G20 i takon vendit pritës të caktojë listën e shteteve joanëtare që mund të marrin pjesë në Samit.
Në njoftim renditen si të ftuar joanëtarë Bangladeshi, Egjipti, Mauritius, Vendet e Ulëta, Nigeria, Oman, Singapor dhe Emiratet e Bashkuara Arabe. Është parashikuar edhe Spanja që ka statusin e të ftuarit të përhershëm joanëtar.
Rusia do jetë e pranishme megjithë apelet e vazhdueshme të shteteve anëtare ndaj Indisë që Rusia të përjashtohej nga Samiti.
Kievi ishte ftuar në Samitin e Indonezisë në 2022 dhe në G7 në Japoni në fillim të këtij viti.
Lista e shteteve anëtare të G20:
Argjentinë, Australi, Brazil, Kanada, Kinë, Francë, Gjermani, Indi, Indonesi, Itali, Japoni, Republika e Koresë, Meksikë, Rusi, Arabia Saudite, Afrika e Jugut, Türqi, Mbretëria e Bashkuar dhe Shtetet e Bashkuara, Bashkimi Europian.
n.s. / dita
