Agjencitë më të mëdha të lajmeve botërore shkruajnë se Shtetet e Bashkuara kanë indikacione se Irani po përgatit të nisë një sulm masiv me raketa në drejtim të Izraelit.
Shtetet e Bashkuara kanë shprehur shqetësim në lidhje me veprimet e mundshme të Iranit, të cilat mund të përfshijnë një sulm me raketa balistike ndaj Izraelit.
Agjencia e lajmeve AFP thekson se informacionet e siguruara nga inteligjenca amerikane sugjerojnë njërritje dhe përshkallëzim të tensioneve mes dy vendeve.
Zyrtari amerikan, i cili foli nën kushte anonimiteti, u shpreh se një sulm ndaj Izraelit do të kishte “pasoja të rënda për Iranin”. Ai theksoi se Shtetet e Bashkuara janë të gatshme të mbrojnë aleatët e tyre në rajon dhe se çdo akt agresioni nga Irani do të përballej me një përgjigje të fortë.
Tensionet midis Iranit dhe Izraelit janë në nivelin më të lartë të viteve të fundit.
Analistët kanë paralajmëruar se një sulm i Iranit ndaj Izraelit mund të nxisë një eskalim të madh të dhunës në Lindjen e Mesme, duke përfshirë një përgjigje ushtarake nga ana e Izraelit dhe aleatëve të tij. Shtetet e Bashkuara kanë shprehur angazhimin e tyre për të mbështetur Izraelin dhe për të ruajtur stabilitetin në rajon, duke ofruar ndihmë ushtarake dhe inteligjente.
Një vëmendje e madhe është përqendruar në diplomacinë dhe përpjekjet për të ulur tensionet.
i.b./dita
