Inter i përgjigjet fitores së Milanit, duke mposhtur Romën në transfertë me rezultatin 2-0 e duke rimarrë vendin e katërt të Serisë A.
Zikaltërit morën 3 pikë shumë të vlefshme falë golave të Dimarcos dhe Lukakut, dhe arrijnë kuotën e 63 pikëve në renditje, duke lënë pas Milanin, me 61 pikë.
Kuqezinjtë kishin mundur me po të njëjtin rezultat Lazion, në San Siro, duke marrë përkohësisht vendin e katërt.
Ndërkohë, me këtë humbje, Roma largohet nga lufta për zonën Champions, pasi e sheh veten në vendin e shtatë, me 58 pikë.
m.b./dita
