Ish-kryebashkiaku i Kamzës, Xhelal Mziu paraqitet në SPAK

Ish-kryebashkiaku i Kamzës, Xhelal Mziu po merret në pyetje nga Prokurorinë e Posaçme.

Mziu po pyetet në lidhje me një hetim që po bëhet për abuzimet me tenderat.

Deputeti i PD, po pyetet nga prokurori Elvin Gokaj, në lidhje me një hetim të çelur vite më parë për abuzimet me tenderat në kohën kur Xhelal Mziu ishte kryebashkiak i Kamzës.

Në një prononcim shkurt për mediat, ai tha se u pyet për një kallëzim të bërë nga këshilltarët e bashkisë në vitin 2019.

“Ishte thjesht një denoncim nga këshilltarët e PD-së, në lidhje me një tender pastrimin. Ka ndodhur në vitin 2019. Isha si person në dijeni”, tha Mziu.

Burimet bëjnë të ditur se Xhelal Mziu ka dhënë shpjegime në kuadër të një hetimi për abuzim me tenderat gjatë kohës që drejtonte Bashkinë Kamëz.

Mziu ka qëndruar për tre mandate në krye të Bashkisë së Kamzës, nga viti 2007 deri në vitin 2019. Ai nuk kandidoi më për kryebashkiak për shkak se opozita bojkotoi zgjedhjet vendore. Ndërsa kandidoi për deputet nën logon e Partisë Demokratike në zgjedhjet parlamentare në vitin 2021.

j.l./ dita