Një tragjedi ka ndodhur në brigjet e Italisë ditën e sotme, ku fillimisht u raportuan 40 viktima.
Mësohet se numri i tyre është më i lartë. Sipas të dhënave të fundit, janë të paktën 58 viktima, mes të cilëve dhe foshnje të porsalindura.
Sipas njoftimit të rojes bregdetare italiane, shkak i tragjedisë ka qenë fundosja e gomones së mbingarkuar.
Roja bregdetare italiane mundi të shpëtonte 80 prej tyre.
Presidentja e Komisionit Europian, Ursula von der Leyen kërkoi pas tragjedisë, progres në reformimin e ligjit të azilit në Europë.
Gomonja e mbingarkuar u thye në orët e para të së dielës në afërsi të qytetit Krotone në brigjet jugore italiane pranë Kalabrisë, për shkak të dallgëve të larta.
Mediat italiane kanë raportuar se në gomone kanë qenë 200 vetë, sipas të dhënave të frocave të shpëtimit dhe jo 120 sipas të dhënave të rojes bregdetare.
Refugjatët vinin kryesisht nga Afganistani, Pakistani, Somalia dhe Irani. Sipas policisë doganore, një i mbijetuar është arrestuar nën akuzën e trafikimit të emigrantëve.
Të mbijetuarit janën grumbulluar nën batanije dhe për ta po kujdesen punëtorët e Kryqit të Kuq. Disa janë dërguar në spital.
m.b./dita
