Gjykata e Katanzaros dënon me 30 vite burg Antonio Gallo i njohur me nofkën “il principe”, i akuzuar si kreu i një organizimi kriminal mafioz që vepronte për llogari të bosave të Ndranghetas e që përmes kompanive fiktive me pronarë shqiptarë pastronin paratë e mafias kalabreze.
Antonio Gallo kishte investuar në Shqipëri dhe në dosjen e antimafias italiane janë dokumentuar projekte për të investuar në Shqipëri ne sektorin e ndërtimit e të shëndetësisë e te veshjeve të punës.
Ish funksionari i Guardia di Finanza Ercole D’Alessandro është dënuar me 6 vite e 8 muaj burg e partnerja e tij shqiptare me 4 vite e 2 muaj burg.
Dosja hetimore mbi 1.000 faqe dokumenton mbi 266 mijë dialogë përgjime ambientale e telefonike, rreth 1800 llogari bankare në vazhdim e rreth 388 mijë operacione financiare të kryera nga të akuzuarit.
Dënimet e Gjykatës së Katanzaro:
Henrik Baci, 2 vjet, (ishin kërkuar 7 vite dënim);
Antonio Santo Bagnato, 6 vjet e 6 muaj, (prokuroria ka kërkuar 10 vjet)
Elena Banu, 3 vjet e 4 muaj, (prokuroria ka kërkuar 4 vjet)
Tommaso Brutto, i lirë (prokuroria kërkoi 9 vjet dënim)
Saverio Brutto, i lirë (u kerkua të dënohej 7 vjet)
Maria Rosaria Caliò, 3 vjet e 8 muaj (prokuroria kërkoi dënimin 2 vjet e 6 muaj);
Eliodoro Carduccelli, 8 vjet, (u kërkuan 15 vite)
Ilenia Cerenzia, 4 vjet e 5 muaj, (kërkuar 2 vite e 6 muaj)
Nicola Cirillo, 2 vjet e 8 muaj, (kërluar 7 vite)
Ercole D’Alessandro, 6 vite e 8 muaj prokuroria kërkoi 15 vite)
Luciano D’Alessandro, i lirë, (kërkuar 9 vite)
Vincenzo De Luca, i lirë (kërkuar 13 vite)
Antonella Drosi, 2 vite, (prokuroria kërkoi 5 vite)
Valerio Antonio Drosi, i litë, (u kërkua të dënohej me 4 vite)
Mario Esposito, i lirë (u kërkuan 4 vite)
Santo Faldella, 4 vite e 10 muaj, (u kërkuan 4 vite)
Antonello Formica, 6 muaj, (u kërkuan 4 muaj)
Antonio Gallo, 30 vite, (Prokuroria kërkoi 30 vite)
Francesco Gallo, 4 vite e 2 muaj, (u kërkua të dënohej me 4 vite)
Glenda Giglio, e lirë, (u kërkua të dënohej me 7 vite burg)
Umberto Gigliotta, 30 vite (u kërkua të dënohet 24 vite)
Odeta Hasaj, 4 vite e 2 muaj, (prokuroria kërkoo 4 e 3 muaj)
Giuseppe Lamanna, 2 vite, (u kërkuan nga Prokuroria 4 vite dënim)
Andrea Leone, 18 vit
Francesco Le Rose, 4 vite e 8 muaj,
Roberto Mari, i lirë,
Ieso Marinaro, 7 vjet e 2 muaj, ( ku kërkuan 3 vite dënim)
Giovanni Mazzei, 3 vjet
Antonio Melino, i lirë
Liberato Giuseppe Paciullo, 4 vite e 4 muaj,
Daniela Paonessa, 7 vite e 2 muaj,
Rositsa Pazieva, e lirë,
Raffaele Posca, 2 vite
Andrea Rosa, 4 vjet e 2 muaj,
Umberto Rotundo, 2 vjet e 2 muaj,
Rolando Russo 3 vjet e 4 muaj,
Giovanni Lorenzo Servidio, 3 vjet e 4 muaj,
Maurizio Silipo, 3 vjet e 8 muaj
Maria Teresa Sinopoli, 7 vjet e 8 muaj,
Giorgia Sollecchia, e lirë,
Tommaso Stranges, i lirë,
Rosa Talarico, 4 vjet e 6 muaj,
Matteo Tarantino, 3 vjet,
Luca Torcia, 2 vjet e 7 muaj,
Rosa Torcia, 3 vjet e 9 muaj,
Alberto Zavatta, 1 vit e 2 muaj
Claudio Zavatta, 1 vit e 8 muaj ( u kërkuan 3 vjet).
“Basso profilo”, operacioni i Antimafias së Katanzaris nën drejtimin e Prokurorit Nicola Gratteri u ekzekutua më 17 qershor 2021 duke cuar nën urdhër ndalimi 50 persona.
Gjykata e Katanzaros në shkallë të parë vendosi dënimin e 35 prej tyre e lirimin e 12 të tjerëve.
Ky hetim zbardhi përfshirjen e krimit të organizuar, këshilltarëve komunalë e rajonalë, sipërmarres, politikanë, noterë e avokatë me ndrinat më të rëndësishme të mafias kalabreze Ndrangeta si ‘Bonaventura’ ‘Aracri’, ‘Arena’ e ‘Grande Aracri.
Palët akuzuese në këtë proces gjyqësorë janë:
Presidenca italiane e Këshillit të Ministrave, Administrata Provinciale e Catanzaro, Bashkia e Catanzaro, Drejtoria e Tatimeve, Bashkia e Sellia Marina, Bashkia e Roccabennarda, Ministria e Brendshme, Ministria e Mbrojtjes, Bashkia e Cutro, Banka intesa San Paolo.
Ercole D’Alessandro, i shërbente sipërmarrësit Antonio Gallo me informacione mbi operacionet e policisë italiane, e hetimet e antimafias duke siguruar një vend pune për djalin e tij në një kompani që Antonio Gallo kishte hapur në Shqipëri.
Ish-zyrtari i Guadia di Finanza premtonte të gjente celësat e duhur pranë Ministrive shqiptare e Administratës Publike me qëllimin hapjen e aktiviteteve sipërmarrëse.
Aktiviteti sipëmarrës në Shqipëri u interesonte edhe politikanëve e funsionarëve kalabrezë Tomaso Brutto e Saverio Brutto, baba e bir.
Tomaso Brutto ishte këshilltar në komunën e Cattanzaros e Saverio Brutto këshilltar në komunë, ndërsa Simeri Crichi në provincën e Katanzaros.
Tomaso e Saverio Brutto po përpiqeshin të hapnin në Shqipëri një sipërmarrje tip Brico për tregtimin e matarialeve për parandalimin e aksidenteve me aksione të barabarta mes tyre po që shuma fillestare e investimit do të jepej e tëra nga Antonio GALLO.
Marrëveshja e tyre për investime në Shqipëri do të niste më 14 prill 2017 pas takimit të zhvilluar mes politikanit kalabrez Tomaso Brutto e funksionarit të Guardia di Finanza të Catanzaros Ercole D’Alesandro.
Nga përgjimet e antimafias , politkani italian Tomasso Brutto ndjehej i siguruar se në këtë aferë ishte ortak dhe financieri Ercole D Alessandro.
Në një tjetër përgjim të antimafias, në takimin e dytë të zhvilluar mes tyre, më 24 prill 2017, ish funksionari i Guardia di Finanza Ercole D’Alesandro siguronte se kishte lidhje të mira me Shqipërinë.
Aktiviteti sipërmarrës i tyre në Shqipëri u inaugura më 22 qershor 2017 e pikë referuese ishte djali i funksionarit të Guardia di Finanza Ercole D’Alesandro.
Në përgjimet e Guardia di Finanza zbardhet dhe emri i një tjetri eksponetit të lartë të politikës kalabreze, Francesco Talarico sekettar rajonal i Partisë UDC (Bashkimi demokristian) e këshilltar i bilancit në rajonin e Kalabrias.
Në krye të këtij grupimi kriminal qëndronte sipërmarrësi kalabrez Antonio Gallo i njohur me nofkën “princi”.
