Një 40-vjeçar i dënuar nga autoritetet gjyqësore italiane, për pjesëmarrje në një organizatë kriminale dhe trafik droge, është arrestuar dje nga Policia e Tiranës, me qëllim ekstradimi nëpërmjet Interpol Tiranës.
I ndaluari është Valter Çela, i shpallur në kërkim ndërkombëtar për llogari të Italisë. Mësohet se Gjykata e Apelit në Perugia, e ka dënuar 40-vjeçarin me 5 vjet burgim, nga të cilat i kanë mbetur për të kryer edhe 2 vjet e 9 muaj, për pjesëmarrje në një organizatë kriminale dhe trafikim të lëndëve narkotike, kryesisht kokainë.
Procedurat për ekstradimin e tij do të kryhen nga Interpol Tirana, në bashkëpunim me Interpol Romën.
