EMRI: Tjetër vdekje në qeli! Burgu i Lezhës: “Iu bllokua frymëmarrja duke ngrënë”

Një i dënuar në burgun e Lezhës ka ndërruar jetë.

Burgu thotë se ngjarja e rëndë ka ardhur si pasojë e mbytjes nga ushqimi.

Sipas Drejtorisë së Burgjeve, bëhet fjalë për shtetasin Gëzim Beneshi, i cili akuzohet për kryerjen e veprës penale “Vrasje e mbetur në tentativë”.

Ky është i disati i dënuar brenda një kohe të shkurtër që humb jetën brenda qelive të izolimit.

NJOFTIMI I DREJTORISË SE BURGJEVE: 

Drejtoria e Përgjithshme e Burgjeve, informon opinionin publik se me datë 04.12.2023, rreth orës 10:20 në IEVP LEZHE është marrë njoftimi se shtetasi Gezim Petrit Beneshi, i datëlindjes 06.07.1978, me masë mjekësore ‘Mjekim i detyruar në një institucion mjekësor’ për kryerjen e vepres penale “Vrasje e mbetur në tentativë” të parashikuara nga neni, (76-22) i Kodit Penal jemi njoftuar se ky shtetas duke u ushqyer i është bllokuar frymëmarrja.

– Shtetasi Gezim Petrit Beneshi, pacient me masë mjekësore ‘Mjekim i detyruar në një institucion mjekësor’ me diagnozë ‘Skizofrenia paranoide’ dhe ‘Hipertension arterial st.2’ me mjekim ‘Respiridon 2Mg 2×1 tabletë , lerkanidipine 10 mg 1 tabletë në ditë , furosemil 40 mg 1 tabletë në mëngjes, aspirinë protekt 100 Mg 1 tabletë në ditë, omeprazol 20 mg 1 tabletë në mëngjes’, ku ishte i akomoduar në IEVP Lezhë, në seksionin e masave mjekësore për arsye të gjendjes së tij shëndetësore ka ardhur me datë 26.05.2022 nga Komisariati i Policisë Kavajë.

– Stafi i IEVP LEZHE, në momentin e konstatimit të ngjarjes nga ana e punonjësit të shërbimit ka njoftuar menjëherë mjekun e shërbimit, ku i është dhënë ndihma e parë mjekesore dhe janë konstatuar shenja jete. Eshtë nisur urgjentisht me ambulancë e institucionit i shoqeruar nga stafi mjekësor drejt Spitalit Rajonal të Lezhës me shenja jete.

– Jemi njoftuar nga Spitali Rajonal i Lezhës për ndarjen nga jeta të shtetasit Gëzim Beneshi.

– Pas konstatimit të faktit, janë njoftuar familja e të ndjerit si dhe organet hetimore.

p.k\dita