Një valë sulmesh ajrore izraelite goditën një seri pozicionesh ushtarake në Sirinë qëndrore, ku mbetët të vrarë të paktën 14 persona. Agjencia shtetërore e lajmeve në Damask, Saana, raporton gjithashtu se 43 të tjerë u plagosën gjatë sulmeve në afërsi të Masyaf, në rajonin e Hama, mbrëmjen e së dielës.
Sipas medias siriane që citon burime ushtarake, avionë izraelite që fluturonin mbi Libanin veri perëndimor, lëshuan raketa në disa zona të ndryshme ushtarake rreth orës 23:20 të së dielës. Burimi ushtarak pretendon se sistemet e tyre të mbrojtjes kishin rrëzuar disa raketa.
Obserbatori sirian për të drejtat e njeriut me bazë në Londër raportoi më herët se të paktën 4 ushtarë dhe 3 civilë u vranë në sulmet ajrore që shkatërruan struktura ushtarake dhe shkencore, ku ishin të pranishëm ekspertë armatimesh dhe pjesëtarë të grupeve të armatosura të mbështetura nga Irani. 13 shpërthime raportohet të jenë dëgjuar atje. Siç mësohet, sulmet shkaktuan gjithashtu dëme edhe tek një autostradë lokale, dhe një zjarr shpërtheu në zonën e Hair Abbas.
Izraeli nuk ka komentuar ende lidhur me raportimet e mediave të huaja, por në të kaluarën e ka pranuar shënjestrimin e objektivëve në Siri, që dyshohet të lidhen me Iranin dhe grupet të armatosura të mbështetura prej tij.
j.l./ dita
