Juristi Romeo Karaj, i njohur më herët për denoncimet në aferën CEZ-DIA thotë se është e sigurt që Sali Berisha do të shkojë në burg.
I ftuar në emisionin ‘Frontline Intervew’, Karaj tha se ndaj Berishës më vonë do të ketë rëndim të pozitës, pasi kjo që po ndodh sot është minimumi i akuzave që bëhen për të hapur procesin penal ndaj tij.
Sipas juristit, amerikanët kanë siguruar Prokurorinë e Posaçme që mos të frikësohen nga njerëz si Sali Berisha.
“Është minimumi i akuzave për ta hapur këtë proces penal. Më vonë do të kemi edhe zgjerim tjetër lidhur me shpërdorimin e detyrës, falsifikimin. Sa më shumë e shoh këtë çështje është në një kuadër të plotë të të gjitha veprave penale. Ka dyshime të mbështetura në prova se ky person nuk do të dalë kollaj nga rrethi i dënueshmërisë. Do ketë vite të tjera akuze për të. Është i sigurt që do të shkojë në burg. Ai e meriton, e ka merituar me kohë të jetë pas hekurave. Nëse nuk shkon ky pas hekurave t’i heqim hekurat fare.
Ia ka bërë Rama? Ku e ka prekur Rama? Pse nuk thotë se ma kanë bërë amerikanët? Kanë siguruar SPAK-un që mund të jetë i paprekshëm. Amerikanët kanë siguruar që njerëz si Berisha të mos i kërcasin dhëmbët SPAK-ut. Ata janë atje për të garantuar se ky sistem funksionoi. Ky person u ka vjedhur jetën shqiptarëve. Është shumë mizore të jesh i mëshirshëm me njerëz të tillë. E shoh të menderosur nga koka te këmbët”- tha juristi.
p.c. / dita
