Ka dalë në media përmbajtja e një bisede të zhvilluar mes biznesmenit Pëllumb Gjoka dhe punonjësit të policisë Shkodër, Ardrit Hasanbegaj, i cili ndiqte hetimin për vrasjen e Gjin Boriçit.
Qëllimi i pyetjes ishte për të marrë informacion të përgjithshëm nga policia, ku hetuesi e informon Gjokën duke i thënë se “…nuk e di, paska qenë me hasmëri, për punën e një vëllai, plus paska qenë kollarexhi…”.
Pëllumbi e pyet që: “Si duket si dorë…?
Ardriti i përgjigjet që: “…ka punuar mirë kopili dhe si duket kanë qenë dy autorë ose më shumë. Të vështirë do e kemi, por besoj do të nxjerrim diçka”.
Pëllumbi i thotë që, “lëreni në kollaren e vet”.
Në orën 17:09 Pëllumb Gjoka duke përdorur 7142D9 komunikon me përdoruesin e DGLXJM i identifikuar si Ardrit Hasanbegaj dhe ky i fundit e pyet: “nëse, ky e njihte D.D sepse vëllai i këtij ka takuar Dor Dulin…?”
Pëllumbi i shprehet që, “këta të vrasin dhe të vijnë edhe me u pjek…”.
Pëllumbi i shkruan Ardritit “nëse ke info për Dorin më thuaj”.
Ndërkohë siç del edhe në biseda, pas vrasjes viktimës i kanë marrë njërin prej telefonave duke ja shkrirë me zjarr. Ndërsa rrobat e përdorura autorët i kanë djegur më pas.
Në orën 02:57 Behar Brajoviq (Bajri) duke përdorur TIV9E3 komunikon me përdoruesin e B045ZY i identifikuar si Denis Brajoviq.
Denisi i shkruan në lidhje me telefonat e viktimës, nga të cilët
“…Po vlla, “Sky” jo, s’ia gjetëm. Atë tjetrin ja thymë edhe e tretëm. Jo, s’e menduam se e ka në çantë, e paska pas në xhep. Nuk e hapi kush. Makina u djeg, teshat i djegëm…”.
Në orën 03:03, Ervis Martinaj duke përdorur NP8LS4 komunikon me përdoruesin e B045ZY i identifikuar si Denis Brajoviq.
Denisi i shkruan, “….O vlla a djeg makina, se s’më tha kush gja, është bo zhari makina. Si kena pa hiç, të fala të bën “kapedani”. Jo jo, kismet nesër, po ja fusim gjumë, rrim nesër”.
Në orën 03:45 Behar Brajoviq (Bajri) duke përdorur TIV9E3 komunikon me përdoruesin e B045ZY i identifikuar si Denis Brajoviq.
Denisi i shkruan “Visi më shkruajti, a po vini këtej ose vi tju marrë unë, se i thash të fala ke nga ti. Thot vij t’ju marr dhe rrim ka shpia. I thash, jo jo, nesër me kismet. Po i them po ja fus gjumit dhe dëgjohena nesër…”.
Në orën 09:11 Edmond Preka duke përdorur G8KC24 komunikon me përdoruesin B045ZY i identifikuar si Denis Brajoviq.
Denisi i shkruan dhe i kërkon që të marrë telefonat dhe ti sjellë tek plazhi, vetëm telefonat që kena aty, se na marrin njerëzit dhe përse mos me ju përgjigj.
n.s. / dita
