Juristi Romeo Kara, i cili ka bërë kallëzimin ndaj Metës për aferën CEZ-DIA, gjatë një interviste televizive, tha se për këtë çështje duhet të merret në pyetje edhe Sali Berisha pasi afera korruptive është bërë në bashkëpunim me Ilir Metën. Kara tha se SPAK ka bërë një hap të mirë, por, duhet të sekuestroheshin pasuritë e Ilir Metës.
“Kam paraqitur një kallëzim të saktë dhe më ka pyetur në lidhje me deklarimet që kam pas bërë. Besoj kanë qenë të njëjtat, nuk kam lëvizur nga ato që kam pasur në 2018. Ka qenë një seancë pyetjesh mbi 8 orë.
Meta është marrë shumë vonë për tu pyetur e kanë përdorur pushtetin për të qenë të pandëshkueshëm. Është absurde.
Ishte president, për mua do të ishte normale që të fillonte procedimi që në atë kohë, hajdutët duhet të jenë barabartë para gjyqit. Pavarësisht se janë me kollare apo pa kollare.
Marrëveshja është lidhur në shtator 2010, por nuk është aprovuar nga dy bordet. Kjo marrëveshje mori një goditje negative në fund të nëntorit. Duke thënë se nuk na bind.
Unë nuk e di, por kam përshtypjen se në 2012 kur Meta ka bërë vizitën me Kastriot Ismailajn në Pragë, me duket se ka qenë ministër. S’ka dalë asnjë ministër këtu i ndershëm. Kemi një vizitë në Pragë në fund të 2010.
Para kësaj vizite janë bërë disa pagesa me shpejtësi. Një punë që akoma nuk është kryer është paguar atëherë me shumë urgjencë dhe kjo korrespondon me vizitën e Metës dhe Kastriot Ismailajt në Pragë.
Pasi ndërrohet në 2015 ishte krah me PS-në, Berisha e akuzon se ka qenë i paautorizuar. Berisha ka qenë në dijeni dhe i ka lejuar. Këta e kanë ndarë atje. SPAK duhet të marrë në pyetje edhe Berishën. Berisha jam i bindur se ERE kurrë s’ka marrë një vendim të tillë. Njëlloj vidhen shqiptare.
Nuk mund të jesh edhe investuesi edhe kontrolluesi. Është e pafalshme që të jesh naiv në këto raste. Si ka mundësi që këta pasurohen kur shkatërrohet një popull i tërë. Korrupsioni është bekim i klasave politike të korruptuara.
Por të kishte dashur ky, këta e çuan në diktaturë të rrugës dhe krimit. Këta janë hajdutë ordinerë me kollare. Ka 7 persona, unë konstatoj korrupsion i bërë nga një palë çeke dhe shqiptare. Nuk jam në dijeni se është ofruar Elvis Mata në 2016.
Ai është larguar nga skena në atë kohë. Është larguar nga Shqipëria në atë kohë. E vërteta nuk mund të mbulohet. Ismailaj me Metën kanë qenë krenar për çfarë kanë bërë. Unë mendoj se e ardhmja sa më e fortë atij ti komunikohet akuza.
Minimumi shpërdorim detyre. Kemi ndikim të paligjshëm se ka ndikuar në vendimmarrjen e I ka marrë 200 mijë euro me çantë në shtëpinë e vet. Ka lidhur kontratë me mikun e tij. Aty ka akoma korrupsion. Janë manipuluar bilancet e CEZ.
Këtu është një lojë e madhe, ku esenca është për 7 persona. Janë 150 mln dëm që i është bërë shtetit shqiptar. Njerëzit janë përzënë nga puna.
Një administratë me 7000 veta se bën dot mbledhjen e borxheve dhe e bën një kompani me 10 veta. Unë kam ofruar qindra faqe më prova.’- tha juristi Romeo Kara.
m.b./dita
