Një i ri 22-vjeçar ka rënë në prangat e policisë së Tiranës. Policia kishte marrë informacion se 22-vjeçari lëvizte i armatosur, por për të shmangur kontrollet mundshme, ai përdorte mjetet taksi.
Në kuadër të operacionit të koduar “Backseat”, policia ndaloi të riun teksa po udhëtonte me një taksi në zonën e Bulevardit të Ri, ku gjatë kontrollit fizik iu gjet iu dhe pistoleta.
Njoftimi i policisë
Shërbimet e Forcës së Posaçme “Shqiponja”, pas sigurimit të informacionit se një shtetas lëvizte i armatosur me taksi për të shmangur kontrollet e Policisë, kanë organizuar dhe finalizuar operacionin policor të koduar “Backseat”.
Si rezultat i veprimeve të shpejta dhe profesionale operacionale, tek Bulevardi i Ri, u ndalua taksia me të cilën lëvizte shtetasi K. Sh., 22 vjeç. Nga kontrolli fizik iu gjet dhe iu sekuestrua 1 armë zjarri pistoletë.
Në përfundim të veprimeve procedurale të kryera nga Komisariati Nr. 3, 22-vjeçari u arrestua në flagrancë për veprën penale “Mbajtja pa leje dhe prodhimi i armëve, armëve shpërthyese dhe i municionit”, dhe materialet iu referuan Prokurorisë së Tiranës për veprime të mëtejshme.
i.b./dita
