Një operacioni antidrogë është duke u zhvilluar nga Policia e Tiranës, Sektori i Antidrogës, nën drejtimin e prokurorisë së kryeqytetit për të goditur shpërndarësit e lëndës narkotike.
Operacioni antidrogë është i shtrirë në disa qytete në të gjithë Shqipërinë.
Burime deklarojnë se ka mbi 200 te arrestuar.
Deri më tani janë lëshuar në total 112 urdhër arreste dhe janë shoqëruar dhe ndaluar në polici 80 persona vetëm në kryeqytet.
Sipas burimeve është sekuestruar mbi 3 kg kokainë.
Përveç kokainës, sasia e kanabisit të kapur është edhe më e madhe pasi nuk është peshuar ende.
Është konstatuar edhe një lloj droge e re xhelatinoze, e cila vinte nga jashtë me postë. Gjatë kontrolleve në banesat e të arrestuarve janë kapur qindra doza kanabisi, si dhe janë sekuestruar shuma të mëdha parash.
Të përfshirë në shpërndarjen e kanabisit, kokainë e heroinë ka edhe vajza.
Përveç Tiranës, operacioni është zhvilluar edhe në qytete të tjera, ku forcat e RENEA dhe FNSH kanë kryer kontrolle në Elbasan, në Fier, në Shkodër dhe në Durrës.
Të arrestuarit janë përgjuar dhe mbajtur nën vëzhgim ndërsa një pjesë janë pikasur edhe me blerje të stimuluara.
j.l./ dita
