Katedralja në Nju Jork u shitet myslimanëve për 250 mijë dollarë, do ta shndërrojnë në xhami

Dioqeza Katolike Romake e Buffalo, Nju Jork ka reaguar në lidhje me shitjen e një kishe historike komunitetit lokal mysliman, pasi një postim në rrjetet sociale në lidhje me marrëveshjen shkaktoi një lumë komentesh aspak të kënaqshme.

Kisha e Shën Anës u ndërtua në vitin 1886 dhe u mbyll në vitin 2007, pasi nuk kishte mjaftueshëm famulli për ta mbajtur atë dhe iu shit një kompanie mbajtëse në vitin 2022. Megjithatë, në fillim të këtij muaji, ajo u përmend si një shembull i Krishterimit në pakësim në vend.

“I shitur komunitetit islamik për 250,000 dollarë, të cilët po e shndërrojnë kishën historike në një xhami,”  postoi në X , ‘At R. Vierling’, bashkangjitur foto të katedrales së stilit gotik. Postimi është parë 11 milionë herë.

Disa komente poshtë postimit ishin aq të tërbuara sa që posteri origjinal duhej të përgjigjej, duke u kërkuar njerëzve që të mos e drejtonin zemërimin e tyre kundër komunitetit islam. Ai fajësoi për vdekjen e famullisë “ndryshimin e demografisë së zonës dhe paaftësinë për të mbështetur financiarisht kompleksin”, duke vënë në dukje se ky “skenar po luhet në dioqeza, dikur të mëdha urbane në të gjithë vendin”.

Shqetësimet financiare ishin me të vërtetë arsyeja e shitjes, tha Dioqeza e Buffalo-s për The Tablet, një medium katolik në qytetin e Nju Jorkut. Riparimi i kishës do të kushtonte mbi 30 milionë dollarë në atë kohë, tha zëdhënësi i dioqezës, Joe Martone.

“Ajo kishte nevojë për një shumë të madhe parash për riparime,” tha Martone. “Puna që nevojitej ishte tepër e shtrenjtë dhe përtej fushëveprimit të dioqezës.”

Dioqeza e Buffalo shpalli falimentimin në vitin 2020, nën barrën e 900 akuzave për abuzim seksual që përfshinin klerikët dhe punonjësit e tjerë. Në nëntor 2022, kisha ia shiti Buffalo Crescent Holdings St. Ann’s të mbyllur, së bashku me një kompleks shkolle dhe manastiri. Ndërsa mediat lokale raportuan se kompania synonte ta shndërronte kompleksin në një xhami, as Qendra Islamike dhe as Dioqeza Buffalo nuk e thanë këtë në atë kohë.

Për më tepër, Martone tha se dioqeza e kishte lëshuar pronën në “përdorim profan”, një term që i referohet kishave të mbyllura që nuk përdoren më si kisha, duke e lejuar atë t’i shërbente çdo qëllimi për sa kohë që nuk ishte “sakrilegjioze, imorale ose skandaloze”.

“Ne kemi pasur prona të tjera që i kemi shitur brenda dioqezës, dhe u janë shitur grupeve të tjera fetare që i kanë përdorur për shërbimet e tyre fetare, kështu që si rregull i përgjithshëm, dioqeza nuk e ka problem me këtë,” shtoi ai.

Buffalo është një komunitet me pothuajse 280,000 njerëz në bregun e liqenit Erie, afër kufirit SHBA-Kanada. Që nga viti 2000, ajo ka parë një fluks emigrantësh nga Jemeni, Somalia, Bangladeshi dhe Iraku.

St. Anne’s Church, Buffalo, NY. Permanently closed. Sold to the Islamic community for $250,000 who are converting the historic church into a mosque. pic.twitter.com/D21oTu18ax

— Father V (@father_rmv) August 11, 2024

j.l./ dita