Ministria e Bujqësisë ka përditësuar informacionin për situatën e gripit të shpendëve në vend.
Ajo njofton se janë 4 vatra të përhapjes së sëmundjes në Nartë, Zall Herr, Paskuqan dhe në Lagunën e Karavastasë.
Më tej, në deklaratë thuhet se situata është në kontroll, ndërsa Shërbimi Veterinar po monitoron shpendët e butë dhe faunën e egër.
Në këtë periudhë, Ministria ka vendosur të ndalojë lëvizjen e shpendëve të gjallë jashtë fermave në zonat e mbrojtjes dhe mbikëqyrjes.
Ndërkohë, janë kryer edhe testime të personave të kontaktit, të cilat deri tani nuk rezultojnë të prekur nga virusi.
j.l./ dita
