Ministria e Mbrojtjes së Greqisë ka vendosur pensionimin e 47 ushtarakëve të lartë, përfshirë kreun e ushtrisë, Inspektorin e Përgjithshëm të Ushtrisë, kreun e Marinës dhe të Forcave Ajrore.
“Mund të duken si të papritura, por këto janë një hap i vendosur që pasojnë vendime për bashkimin e njësive ushtarake dhe vënien në jetë të një Strukture të re të Forcës, aprovuar nga Parlamenti dhe Këshilli Kombëtar i Mbrojtjes” -citohet ministri i Mbrojtjes, Nikos Dendias.
Reforma u drejtua nga gjenerali Dimitris Houpis, kreu i Shtabit të Përgjithshëm të Mbrojtjes Kombëtare greke, dhe pati si objektiv pozicione si gjeneral-lejtnant, gjeneral-major, nënadmiral dhe kundëradmiral.
Dendias ka shtuar se forcat e armatosura greke “vuajnë nga një ekzagjerim në numrin e oficerëve të lartë”, çka bie ndesh me “Agenda 2030”, një dokument udhëzues i reformës.
‘Ushtria greke nuk mund të këtë më shumë oficerë të lartë sesa ushtria amerikane që është gjashtë herë më e madhe” – ka shtuar ministri Dendias.
n.s. / dita
