Data 6 janar e vitit 1994 ishte hera e fundit kur Ylenia Carrisi, vajza e Al Bano Carrisit dhe Romina Power. u pa e gjallë.
E reja ishte vetëm 23 vjeçe kur vendosi të udhëtonte nëpër botë, kështu që paketoi valixhet, shkoi në Belize për disa muaj dhe më vonë u transferua në New Orleans, Luiziana.
Dhe atje, në tokën amerikane, humbln gjurmët e një gruaje, e cila 30 vjet më vonë është ende në krye të mediave. Prindërit e saj bënë gjithçka për ta gjetur, por pas vitesh kërkimesh të pasuksesshme, ajo u shpall zyrtarisht e vdekur në dhjetor të 2013.
Asnjëherë nuk u mor vesh se çfarë ndodhi, por këngëtari italian ka zbuluar detaje të reja në një intervistë intime për “Corriere della Serra”.
“Ylenia ishte një vajzë e jashtëzakonshme. Studioi në King’s College në Londër, fliste anglisht, spanjisht, frëngjisht dhe portugalisht”, kujton Al Bano.
Ai ishte me të në Moskë dhe më vonë në Shtetet e Bashkuara për të regjistruar një film dokumentar, fillimisht në Los Angeles dhe më vonë në New Orleans, ku pati, sipas fjalëve të artistit, “takimin fatal”.
Ajo ishte me të pastrehët, me artistët e rrugës dhe me një në veçanti: Alexander Masakela. Ylenia vendosi të shkruante një libër për ta dhe udhëtoi për në Belize, “vendi i të pastrehëve”. Atje ajo jetoi në një barakë dhe u kërcënua nga një burrë, nga i cili u mbrojt duke mbajtur një foshnjë dhe për të shmangur rrezikun më të madh u kthye në Luiziana, ku u zhduk.
Al Bano u përpoq të ndiqte gjurmët e saj për vite me radhë për të gjetur të vërtetën dhe për të gjetur vendndodhjen e saj, pa mundur të pranonte që kishte humbur vajzën e tij përgjithmonë.
“Kam rindërtuar natën e saj të fundit orë pas ore. Unë fola me dëshmitarët. Takova Masakelën, e cili gjithashtu kishte qenë në burg, por mohon çdo faj”, thotë këngëtari.
Dhe falë hetimeve të tij, ai arriti të gjente qëllimet e supozuara të së bijës dhe se si do të kishte vendosur t’i jepte fund jetës.
“E mora në pyetje personin e fundit që e pa, gardianin e portit. Ajo ishte ulur buzë lumit, ai e paralajmëroi se nuk mund të qëndronte aty. Por Ylenia i tha: ‘Unë i përkas ujit’ dhe ajo u fut në lumë. Ajo e thoshte këtë frazë si fëmijë përpara se të dilte për të notuar. Dhe Misisipi nuk fal. Romina nuk ka dashur kurrë ta pranojë, por kështu ka qenë”, kujton ai.
Al Bano mendoi për vetëvrasje
Këngëtari italian pranon se beson te Zoti sepse “e kam ndjerë shumë herë”, por braktisjen e ka ndjerë kur i është zhdukur vajza.
“Pas zhdukjes së Ylenisë dhe ndarjes nga Romina, kam qenë vetëm për nëntë vjet. Dhimbja ishte e tmerrshme dhe mendova se Zoti më kishte braktisur. Dhe me dhimbjen u rrit një zë që thoshte: ‘Al Bano, hiqe qafe. Al Bano, ndërprite”.
Ai zë i tha t’i jepte fund jetës dhe ai mendoi për vetëvrasje, por për fat ai zgjodhi të mos ndiqte planet e tij. “E kuptova se ishte zëri i djallit. Dhe ndjeva gjithashtu praninë e Zotit. Ndjeva një paqe të thellë. Thashë me vete: ‘Kush je ti që gjykon Zotin? Mos harroni se edhe ai humbi një djalë…”.
