Apeli i GJKKO-së ka rrëzuar kërkesën për revokim të masës së sigurisë “arrest në shtëpi” të anëtarit të Këshillit Kombëtar të PD-së, Jamarbër Malltezit.
Në njoftimin për vendimin e Apelit të GJKKO-së thuhet se u vendos miratimi i vendimit nr. 714, datë 12.12.2024, të Gjykatës së Posaçme të Shkallës së Parë për Korrupsionin dhe Krimin e Organizuar.
Kundër këtij vendimi, Malltezi mund të bëjë rekurs në Gjykatën e Lartë, brenda 45 ditëve nga e nesërmja e njoftimit.
Njoftimi i plotë:
Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtari Engert Pëllumbi, sot më 24.01.2025, shpalli vendimin mbi çështjen penale nr. 25 akti, datë 16.01.2024 regjistrimi, mbi ankimin e ankuesit J.M., në lidhje me: “Ankim ndaj vendimit nr. 714, datë 12.12.2024 të Gjykatës së Posaçme të Shkallës së Parë për Korrupsionin dhe Krimin e Organizuar, me objekt: Revokimin e masës së sigurimit personal “Arrest në shtëpi”, caktuar me vendimin nr. 56, datë 21.11.2023 të Gjykatës së Posaçme të Apelit për Korrupsionin dhe Krimin e Organizuar; Shuarjen e masës së sigurimit të “Arrestit në shtëpi”, për J.M., caktuar me vendimin nr. 56, datë 21.11.2023 të Gjykatës së Posaçme të Apelit për Korrupsionin dhe Krimin e Organizuar”, dhe vendosi:
Miratimin e vendimit nr. 714, datë 12.12.2024, të Gjykatës së Posaçme të Shkallës së Parë për Korrupsionin dhe Krimin e Organizuar.
Kundër këtij vendimi mund të bëhet rekurs në Gjykatën e Lartë, brenda 45 (dyzet e pesë) ditëve nga e nesërmja e njoftimit të tij.
Anëtari i Këshillit Kombëtar të PD-së, Jamarbër Malltezi që prej muajit nëntor të vitit 2023 është lënë në “arrest shtëpie” me vendim të gjyqtares Ilirjana Olldashi, e cila ndryshoi vendimin e shkallës së parë, duke e liruar nga burgu. Malltezi akuzohet për korrupsioni pasiv, kryer në bashkëpunim lidhur me dosjen “Partizani”.
j.l./ dita
Kam nje pyetje: sa here ke te drejte te kerkosh apel per vendimin e nje gjykate? E dyta, sa persona duhen ne gjykate kur merret nje vendim, a mund te quhet vendim gjykate me nje person kur atij i afron nje these me para dhe s’pjerdh me tere jeten?! Keto kisha per sot se parlamenti qe nderton ligjet , si duket keto ligje i ben te qellimsheme, prandaj votoni ata qe jane ne ajer e jo ne toike.
Zoti flase; ke shume te drejte, te njejtat pyetje kisha edhe une dhe nuk me duket normale qe vendimi te jepet nga nje gjykates i vetem, duhet te ishin te pakten tre.