Gjyqi i rradhës ndaj Ilir Metës dhe Monika Kryemadhit, do të zhvillohet ditën e sotme. Gjatë kësaj seance, pritet që SPAK të shprehet për parashtrimet e tyre, ndërsa Meta dhe Kryemadhi kanë pretenduar se provat janë marrë në mënyrë të paligjshme duke goditur vlefshmërinë e tyre.
Gjatë seancës së fundit gjyqësore, ish-presidenti Meta u përqendrua te mesazhet me Kastriot Ismailajn, duke u ndalur tek ai “më duhen 200 mijë” Në lidhje me këtë, Meta tha se prokurorët nuk kanë provuar kurrë që mesazhi është nisur nga ai.
Ndërsa, Kryemadhi tha se SPAK e sekuestroi celularin e saj pa i marrë leje Kuvendit. Kjo duke argumentuar se në atë kohë ajo ishte deputete dhe nuk mund t’i ushtrohej kontroll.
Në lidhje me këtë, Kryemadhi kërkoi nga SPAK që t’i vendosen në dispozicion të gjitha procesverbalet e mbajtura për ekspertimin e telefonit celular.
j.l./ dita
