Albin Kurti është zyrtari i dytë i qeverisë së Kosovës që kërcënohet me vdekje nga organizata terroriste serbe “Severna Brigada”. Mesazhi kërcënues iu dërgua virtualisht nëpërmjet profilit në Facebook të organizatës.
Për Kurtin, mesazhi u shoqërua me tekstin: “Kurti, kështu kemi me tonelata”, ndërsa bashkëngjitur fotografia e një arme tip snajper.
Ndërkohë që dje “Severna Brigada” ka kërcënuar edhe ministrin e Punëve të Brendshme të Kosovës, Xhelal Sveçla, pas njoftimit për zbulimin e një sasie të madhe të armatimit, duke përfshirë armë automatike, fishekë, granata dore e eksploziv në Zveçan.
Ata kanë kërcënuar hapur Sveçlën duke i shkruar publikisht në Facebook se “Unë personalisht do të të dënoj (likuidoj), vetëm momenti pritet”.
Sipas burimeve të KosovaPress-it, ky profil përmes të cilit është kërcënuar ministri Sveçla është vërtetë i organizatës terroriste “Severna Brigada” (Brigada e Veriut).
p.k\dita
