Më shumë se 10 dronë rusë u rrëzuan gjatë një sulmi gjatë natës në Kiev.
Dronët rusë sulmuan portet dhe objektet e magazinimit të grurit në jug të rajonit bregdetar të Ukrainës, Odesa.
SHBA është njoftuar se Rusia është e gatshme të kthehet në bisedime për marrëveshjen e eksportit të grurit të Ukrainës në Detin e Zi, raporton BBC.
Ndërkohë Polonia tha se po vijon vendosjen e trupave në kufirin e saj lindor, pasi akuzoi Bjellorusinë, aleatin më të ngushtë të Rusisë, për shkeljen e hapësirës ajrore të saj me helikopterë ushtarakë.
Mediat e huaja shkruajnë se forcat ajrore të Ukrainës më herët thanë se dronët rusë po shkonin drejt Izmail, një port kyç në lumin Danub.
Rusia ka vënë në shënjestër portet e Ukrainës që kur braktisi një marrëveshje të madhe të OKB-së që lejonte Kievin të eksportonte drithërat e tij.ndër të tjera autoritetet ukrainase shprehen se informacione të mëtejshme rreth sulmit rus do të jepeshin nga ushtria ukrainase.
Krerët rajonalë të Ukrainës nuk japin detaje për vendndodhjen e ndonjë objektivi të goditur pa një autorizim të tillë. Pas tërheqjes nga marrëveshja e grurit, Rusia kërcënoi se do të synonte çdo anije që shkonte drejt porteve të Detit të Zi të Ukrainës duke vendosur de fakto një bllokadë detare.
Prandaj rruga e Danubit ka rëndësi si alternativë. Në korrik, Rusia shkatërroi infrastrukturën e magazinimit të grurit në Reni, një tjetër port i madh ukrainas në Danub.
j.l./ dita
