Vatikani ka miratuar këtë të hënë një vendim ku i hap rrugë priftërinjve katolikë që të bekojnë çiftet e të njëjtës gjini për aq kohë sa ata nuk janë pjesë e ritualeve ose liturgjive të rregullta të kishës.
Një dokument nga zyra doktrinare e Vatikanit thotë se bekime të tilla nuk do të legjitimonin situata të parregullta, por do të ishin shenjë që Zoti i mirëpret të gjithë.
Në këtë vendim të miratuar nga Papa Françesku thuhet se priftërinjtë duhet të vendosin rast pas rasti dhe nuk duhet të ndalojnë afërsinë e Kishës me njerëzit në çdo situatë në të cilën ata mund të kërkojnë ndihmën e Zotit nëpërmjet një bekimi të thjeshtë.
a.c./dita
