Një tjetër ngjarje e rëndë është regjistruar në bregdet. Një pushues sapo është futur në det në Porto Romano në Durrës është ndjerë keq dhe për pasojë ka ndërruar jetë.
Ngjarja ka ndodhur rreth orës 19:20, teksa viktima është identifikuar si H. D., 68 vjeç.
Familjarët dhe pushuesit e tjerë e kanë ndihmuar duke i dhënë ndihmën e parë dhe menjëherë është transportuar për në spital, por ka ndërruar jetë. Paraprakisht dyshohet arrest kardiak.
Grupi hetimor vijon punën për sqarimin e plotë të rrethanave të kësaj ngjarjeje.
