Kreu i grupit mercenar rus ‘Wagner’, Yevgeny Prigozhin dyshohet se u vra të mërkurën në mbrëmje kur një avion privat Embraer Legacy u rrëzua në linjën Moskë-Shën Petersburg në rajonin Tver pranë fshatit Kuzhenkino.
Ndërkohë që tashmë dihet shumë për ish-bossin e grupit ‘Wagner’, më pak dihet për familjen që ai la pas.
Ai ishte i martuar dhe kishte tre fëmijë. Gruaja e Prigozhin është Lyubov Valentinovna Prigozhina, e cila është gjithashtu e pasur (pasuria neto e burrit të saj vlerësohet në 1 miliard dollarë).
Lyubov është një farmaciste e cila posedon butikë të njohur si psh “Muzeu i çokollatës” në Shën Petersburg. Në vitin 2012 hapi spa “Kristal” në Shën Petersburg, e cila fitoi çmimin “Perfect Spa Project” vitin e ardhshëm.
Ajo zotëron kompanitë “New Technologies SPA LLC” dhe “Agat”, pjesë e grupit “Concord”.
“Financial Times” shkruan se Ljubov ka luajtur “role të ndryshme” në perandorinë e biznesit të bashkëshortit të saj, së bashku me anëtarët e tjerë të familjes. Fëmijët kishin të gjithë aksione në kompanitë e babait të tyre dhe këto shpesh shkëmbeheshin mes tyre.
Fëmijët e Prigozhin
Në vitin 2019, vajza e madhe Polina ishte aksionere në kompaninë ruse “Lahta Plaza”, e cila në mars të 2022 u vu nën sanksionet e SHBA. Tani është nën kontrollin e djalit të Prigozhin, Pavel.
Lahta Plaza, sipas dokumenteve të korporatës, ndërmjetësonte furnitorët e pajisjevs të rënda industriale për kompanitë e minierave dhe pyjeve në Afrikë, të cilat më vonë u sanksionuan nga SHBA dhe BE si një front për Wagner.
Polina është fëmija i parë i Prigogine. Ajo ka lindur në vitin 1992, ndërsa djali Pavel ka lindur në vitin 1996 ose 1998. Vajza e vogël Veronika ka lindur në 2005.
Dihet pak për djalin e Prigozhin, Pavel. SHBA tha vitin e kaluar se Polina, Pavel dhe gruaja Lyubov kanë përfituar financiarisht shumë nga “statusi i tij i favorizuar në elitën ruse”.
Pavel, sipas postimeve të të atit në rrjetet sociale, ka luftuar për Wagner në Siri dhe ka marrë medalje nga grupi “Kryqi i Zi” për shërbime ushtarake.
Nëna e Prigozhin, Violeta
Violeta, ish-mjeke është pronare aktuale e firmës “Concord Management and Consulting” që nga viti 2011, “Etalona” që nga viti 2010 dhe “Kreda”.
Violeta filloi mësimet e pikturës në vitin 2017 në moshën 77-vjeçare dhe një vit më vonë hapi galerinë e saj të artit “Colors of Life” në qendër të Shën Petersburgut.
j.l./ dita
