Gazetarja e kronikës Klodiana Lala u shpreh në një emision TV se duke iu referuar burimeve të saj, ekziston në këto momente një betejë e ashpër midis disa grupeve kriminale në vend, që janë të fuqishëm në zonën e Niklës, Shijakut dhe Shkodrës.
Sipas saj disa grupe kriminale janë shkrirë në një dhe kjo do të çojë në gjakderdhje të mëdha. Prej këtij grupimi, sipas kësaj gazetareje, ka ardhur dhe vrasja e vëllait të një ish-deputeti në Lezhë.
“Sot që flasim janë disa grupe kriminale. Janë një grup nga Fushëkuqja, një nga Lezha dhe një nga Shijaku që janë bërë bashkë dhe po godasin nga dy drejtime.
Ata po godasin në Shkodër nga ku besohet se erdhi vrasja e Aleksandër Ndokës, vëllait të ish-deputetit Arben Ndoka, dhe më andej me grupin e Niklës, nga besohet se erdhi dhe vrasësi. Po flas sepse kam parë dokumente që provojnë çka po ndodh nën rrogoz.
E them këtë sepse nëse në veri dikush do vritet për motivet e hakmarrjes dhe më pas ngatërrohet me gjakmarrjen, do të krijohet një sagë që s’dihet ku do të përfundojë.
E vetmja mënyrë është që shteti të ndërhyjë pasi do të derdhet gjak. Policia e shtetit është duke monitoruar se cila nga familjet do të dërgojë persona te familja tjetër për të kërkuar faljen e gjakut dhe të betohen se nuk i kanë borxh njëri-tjetrit” – tha gazetarja.
Kolegu i saj, Artan Hoxha disa ditë më parë tha se sipas një dëshmie të killerit të penduar, Dumani, vrasja e vëllait të ish-deputetit Ndoka është porositur nga Ilir Meta.
o.p. / dita
Perralla o gazetare, na flet sikur je ti qe i organizon dhe urdheron keto grupe. I lutemi mediave dhe gazetareve qe raportojne ne to te bejne punen qe u takon, per te tjerat ka caktuar qeveria njerez te tjere qe e bejne, si police, prokurore, gjyqtare, etj., etj., Gazetarit i mbetet te raportoje duke u shprehur … sipas deklarates se policise, apo prokurorise, etj.