Ish-ministri i Jashtëm i Shqipërisë Ditmir Bushati gjatë një interviste televizive e ka cilësuar marrëeshjen mes Kosovës dhe Serbisë, një marrëveshje në favor të të dyja palëve. Bushati u shpreh se përfundimi i konfliktit mes Serbisë dhe Kosovës i shërben sigurisë në rajon.
“Jemi në një situatë të re, pasi marrëveshja ndërtohet mbi bazën e parimit të simetrisë. Kemi një referencë të drejtpërdrejte te parimet e kartës së OKB-së që kanë të bëjnë me të drejtën. Kemi një njohje të dokumenteve kombëtare e simboleve kombëtar e pasaportës vulës doganore, ajo çka është e rëndësishme është elementi që ka të bëjë me përfaqësimin.
Mendoj se kjo marrëveshje është një balancë mes idealeve dhe të mundshme. Do të ishte një marrëveshje finale që do të mbyllej me një epilog për anëtarësimin në BE. Për shkak të agresionit të Rusisë kundër Ukrainës duket se qëllimi imediat i SHBA është si ta rrethojë sa më shumë apo reduktojë influencën ruse në Serbi. Mendoj se kjo është një situatë e njohur në negocime të tilla të vështira.
Edhe sikur presidenti Vuçiç të ndriçohej dhe të thoshte që kam vendosur të njoh Kosovën si shtet i pavarur, do përpiqej ta bllokonte me çdo kusht, e kam fjalën për 5-shen që se njohin, për të rishkruar rregullat e rendit ndërkombëtar. S’ka lëkundje ndaj shqiptarëve në rajon, pasi dihet se vokacioni ynë është mjaft i qartë në këtë drejtim.
Është çështje sigurisë rajonale, 5-shja që nuk e ka njohur ka një mundësi të artë të ndryshojë qasjen ndaj Kosovës. Në rast se ky proces do të shoqërohej me një njohje nga ana e Sllovakisë, automatikisht s’do kishte argumente të forta presidenti i Serbisë për të mos lëvizur drejt njohës përfundimtare.”- tha Bushati.
m.b./dita
