Presidenti francez, Emmanuel Macron dhe kancelari gjerman, Olaf Scholz thanë më 4 shtator se normalizimi i plotë i marrëdhënieve ndërmjet Kosovës dhe Serbisë është thelbësor për Ballkanin Perëndimor.
Ata thanë se kanë ngarkuar këshilltarët e tyre për politikë të jashtme dhe siguri, Jens Plettner dhe Emmanuel Beaune, për t’i ofruar mbështetje të drejtpërdrejtë përfaqësuesit special të BE-së për dialog, Miroslav Lajçak, njoftoi Presidenca e Serbisë më 4 shtator, transmeton agjencia e lajmeve Beta.
Macron dhe Scholz thanë në një letër të përbashkët drejtuar presidentit të Serbisë, Aleksandar Vuçiq, se në dritën e agresionit rus ndaj Ukrainës, duhet të bëhen përpjekje më të forta që perspektiva evropiane e vendeve të Ballkanit Perëndimor të bëhet realitet.
“Normalizimi i plotë i marrëdhënieve ndërmjet Kosovës dhe Serbisë është thelbësor për Ballkanin Perëndimor”, thuhet në letër.
Macron dhe Scholz i kanë bërë thirrje Vuçiqit që të tregoj vendosmëri dhe gatishmëri maksimale për të marrë vendime të vështira, të cilat çojnë në përparim në dialogun ndërmjet mes dy vendeve.
“Tensionet e fundit kanë treguar se urgjentisht nevojiten hapa konstruktivë, si në nivel praktik ashtu edhe në atë politik”, thuhet në letër.
“Ne sugjerojmë që këshilltarët tanë, së bashku me Miroslav Lajçak, të vizitojnë Kosovën dhe Serbinë, për të shqyrtuar mundësitë për të çuar përpara procesin”, thuhet në letrën drejtuar Vuçiqit.
Më 27 gusht, Kosova dhe Serbia janë pajtuar që të heqin dorë nga lëshimi i dokumentit për hyrje-dalje për shtetasit e të dy vendeve.
Kosova dhe Serbia kanë marrëveshje për lëvizje të lirë prej vitit 2011. Serbia e ka zbatuar atë menjëherë dhe për 11 vjet u ka lëshuar qytetarëve të Kosovës këtë lloj dokumenti. Kur Qeveria e Kosovës ka vendosur ta zbatojë këtë pikë të marrëveshjes më 1 gusht, serbët në veri të Kosovës kanë rritur tensionet përmes vendosjes së barrikadave.
Qeveria e Kosovës ka shtyrë më pas zbatimin e vendimit për 1 shtator, mirëpo ndërkohë palët janë marrë vesh për moslëshimin e tyre.
Dialogu mes Kosovës dhe Serbisë ka nisur 11 vjet më parë. Kosova insiston që dialogu për normalizim të marrëdhënieve të përmbyllet me njohje reciproke në mes të të dyja vendeve. Serbia, në anën tjetër kërkon “zgjidhje kompromisi”.
i.b. / dita
Ky eshte rezultati i “Litarit mbi varr ” qe lane francezet , kur mbaroi lufta e Kosove ata kerkuan me kembengulje qe pjesa veriore e Kosoves te lihej nen kontroll te forcave ushtarake francize . Vete gjenerali famekeq francez e pohoi boterisht se , ishte pikerisht ai qe vendosi piketat tek ura ne Mitrovice e lart te mbeteshin nen kontrollin serb . Atehere , perse investoi NATO per clirimin e Kosoves nga pushtimi serb ? ! Francezet dalin fare zbuluar me p[oshtersine e tyre ne favor te Beogradit e Moskes , si puna e budallait qe hodhi nje gur ne lume , por jane me qindra te mencem e me dekada te tera qe nuk do te mund ta zgjidhin kete katrahure te qellimeshme e kedashese per vete BE – ne !. Tani qe po u vjen veza ne bythe , psikopati Macron i lutet Serbise qe te ndreqe felliqesite e parardhesve te tij , edhe pse realisht eshte ne te njejten linje !
MIKRONI I VOGEL
E DREDH SI JEVGJITKE
GJERMANI NGAPAS
I BEHET LEPITKE
TE DONIN KOSOVA
TE BEHEJ VERTETE
SERBIN KISHIN NGRITUR
ME KEMBE PERPJETE
FATI I TE VOGLIT
DERE HEKURI PERHERE
KA QENE E DO JETE
TE MEDHENJTE SEKSERE